KALENDER
1 Korintiërs 14:40
“Maar alles moet op ’n gepaste en ordelike manier gedoen word.” As gemeente glo ons dat orde en gestruktureerde beplanning belangrik is, maar ons besef ook dat ons nie op ons eie planne kan vertrou nie. Spreuke 19:21 (AFR NLV) herinner ons: “’n Mens het baie planne in sy hart, maar dit is die Here se plan wat gebeur.” Daarom beplan ons met wysheid, maar bly ons heeltemal afhanklik van God se leiding en perfekte tydsberekening.
Ons jaarlikse kalender word volgens die skoolkwartale beplan, en elke drie maande gee ons ’n nuwe kalender uit met gebeure en bedieningsaktiwiteite. Die kalender word persoonlik by die kerk uitgedeel en ook op ons webtuiste opgedateer. Dit help ons om as gemeente saam gestruktureerd en betrokke te bly by alles wat gebeur. Laai die PDF af, of kyk na die digitale kalender heel onder.